Présentation
Centre de Ressources
Toponymie
Calendrier
Visites

 455315 visiteurs

 11 visiteurs en ligne

 
 Dictaa occitana 2010 vèrs Pranles

Dictada.pngDins la region Ròse-Aups, aquest an, la dictaa occitana se debanèt vèrs Pranles, en Ardescha, Au "Moulin de Mandy" un bon trentenat de personas se recampèron per escriure un tèxte tirat del libre AIGAFÒRT de l’autor ardeschés Julh FROMENT : lo Baptiston. Dau temps de la correccion se vesitèt siegue lo molin en occitan, siegue lo Musèu dau Vivarés Protestant. La jornada s’acabèt per un moment musicau amb la Corala de Pòrtas de Valença.

Resultats:

Adultes commençaires : 1er Emile Chaine ; 2nd Yvonne Reynouard
Adultes confirmats : 1er Serge Lacombe ; 2nd Mireille Roubé

Texte de la dictada

Quand lo vesiàtz de darrièr, amb son calòt de chasseur alpin, larg coma lo cuol d’una padèla, e que li tombava coma un sacòl sobre l’esquina, son arpa faleta, e sa dalha a l’espatla, l’auriàtz pres per quauque bòn pelegrin. Mas de davant semblava avedre recaçat tot lo laidum de la mena d’Adam. Sos uèlhs, mai que mai, coma de virons sota las ussas en escobalh, escupissián lo mesprètz, coma se li aviàtz raubat lo pan. E la lenga valiá pas mai que los uèlhs. Amistosa coma lo cuol d’un graule, totjorn de rasons ponchudas : un enfanton l’entravava, « gara-te dels passes, çò fasiá, bogre de nascut sans besonh ! » E d’autras rasons que s’escrivon pas. Dalhejava quauque pauc per los caires : esjarrambiat coma èra, la dalha aviá mai de còp. Mas quand capitava d’aquela borra de chin que sibla en se coijant sota lo talh, renegava tot çò que sabiá, e ne sabiá ! Per quicòm las femnas l’esquifavan e l’apelavan « lo gorrin ».

Date de création : 17/07/2011 : 11:01
Dernière modification : 01/08/2011 : 21:53
Catégorie : Centre de Ressources - La Dictada Occitana
Page lue 5515 fois
Précédent  
  Suivant

Pòrta d'Òc
Recherche
Recherche