Présentation
Centre de Ressources
Toponymie
Calendrier
Visites

 455315 visiteurs

 11 visiteurs en ligne

Jornada dau Patrimòni Occitan en Droma
dau 12 d’octòbre de 2013

Daufinat-Provença, Terra d’Oc aviá organisat aqueu dissabte 12 d’octòbre 2013 la quatrena jornada dau Patrimòni Occitan a Susa la Rossa e a Boschet dins Droma.
patrimoni2013_02.jpgA Susa la Rossa, ambé l’Universitat dau Vin, eran un trentenat de gens d’aver après a tastar lo vin, qu’es tot un art e un plaser. Puei an visitat l’espaci museografic novèu expausat dins lo Casteu Despartimentau de Susa la Rossa, que presenta d’un biais agradiu e remirable l’istòria dau Vin de l’Antiquitat a uei, dins tota son evolucion pratica, tecnica e paisatgera tanben.
patrimoni2013_01.jpgTot aquò per menar a la discutida « Labèl òc per l’occitan » que fuguèt lo luòc d’escambis fòrça interessents entre Laurent Gosset, Director de l’IEO, Anna-Maria Hautant, Vice Presidenta dau Consèu Regionau PACA, Dominique Bonnet, Commandaire de Costas dau Ròse, ecc… Damatge que lei vendumias aguesson empachats fòrça vinhairons e representants dei Cavas, que n’eran ben regretós… La Lenga d’Oc deu venir un motor economic, çò es estat la conclusion.
A Boschèt, ambé lo Comitat dei Festas, lo Teatre de la Rampa TIO a jogat davant quauquei uechanta espectators « L’Estanquèt »,pèça d’Emile Barthe ; çò fuguet un fuòc d’artifice vertadier de rires e de convivialitat franca, e aquelei que coneissián pas pron nòstra lenga eran ben ajudats tant per lo jòc remirable deis actors que per lei traduccions que s’afichavan dins lo meme temps.

Date de création : 25/12/2013 : 09:28
Catégorie : Centre de Ressources - Journées du patrimoine
Page lue 4072 fois
Précédent  
  Suivant

Pòrta d'Òc
Recherche
Recherche