Presentacion
 ↑  
Centra de Ressorgas
Toponimia
Calendièr
Visitas

 457288 visitaires

 9 visitaires en linha

L’Institut d’Estudis Occitans es una associacion creaa en 1945 qu’a per tòca lo contunh e lo desvelopament de la lenga e de la cultura occitanas dins son ensems.


Los Objectius de l’IEO


Totas las personas que son astueira a l’IEO travalhan per que l’occitan tròve sa plaça legitima, aquela d’una granda lenga d’Euròpa. Es per aquò que l’IEO se bolèga per obtenir una plaça mai importanta per l’occitan dins la viá publica, los mèdias, l’ensenhament.


L’IEO es tanben l'accion quotidiana de chasque aderent per que la cultura occitana sièsse una cultura viva e contemporanèa, creatritz e innovanta, qu’assuma tanben son istòria.


L’IEO es la volontat d’amassar los esfòrç de totas las personas que vòlan que l’occitan tròve sa plaça dins una diversitat culturala essenciala dins la societat d’encuei.


L’IEO sosten la promocion e l’ensenhament de l’occitan dins lo respècte de sa diversitat dialectala. L’IEO recomanda l’emplec de la grafiá que se ditz classica que permet lo respècte d’aquesta diversitat dialectala e aqueu de l’unitat de la lenga. Es la grafiá admesa oficialament per l’ensenhament de l’occitan sus l’ensems de son espaci, animai la Val d’Aran e las valaas occitanas d’Italiá.


Foncionament en malhum


L’IEO es una associacion lei 1901 reconeguá d’utilitat publica (1949) e agreaa Joinessa e educacion populara (1986).


L’IEO es organizaa en seccions regionalas, seccions departamentalas e cercles locaus que cuèbran l’ensems de l'espaci occitan. Chascun asseüra los objectius de l’IEO sus son territòri d’accion daube sas especificitats istoricas, geograficas e umanas.


De mai, divèrs sectors, associacions afiliaas o membres de l’IEO se mainan d’activitats especificas.


L’IEO es tanben membre dau Malhum Europèu de Promocion de la Diversitat Lingüistica (
NPLD), dau Comitat Francès de las Lengas las mens Esbandiás (
EBLUL-France) e daus Rescontres Interregionaus, que recampan representants de las diferentas lengas de França. L’IEO es tanben un club UNESCO.


L’IEO es dubèrt a totas las personas que desiran la promocion e lo desvelopament de l’occitan e se reconéissan dins las tòcas e orientacions de l’associacion. Ensin, povètz venir parteiar la batesta de l’IEO aube nosautres, los 1500 aderents e 40 empleiats que travalhan dins las diferentas associacions federaas dau malhum de l’IEO. Vos povètz marcar a Daufinat-Provença Tèrra d’Òc coma vos povètz marcar dins l’una de las 27 autras seccions departamentalas tant coma dins l’una de las 7 seccions regionalas federaas, o directament a l’IEO nacionau. Dins tots los cas, lo prètz d’adesion es lo mesme.


Data de creacion : 02/07/2011 : 15:46
Darriera modificacion : 12/08/2011 : 06:28
Categoria : Presentacion - L'organizacion de l'IEO
Pagina legida 6072 còps

Pòrta d'Òc
Rechèrcha
Rechèrcha