Presentacion
Centra de Ressorgas
Toponimia
Calendièr
Visitas

 457289 visitaires

 10 visitaires en linha

Dictaa occitana 2016

05_dictaa_b.jpgLa dictaa occitana 2016 se tenguèt per nòstre parçan lo 30 de Genièr au Puei Sant Martin. Es un tèxt de Reinier Girard que fuguèt chausit per la còla organizatritz. Aqueu tèxt dau poèta-païsan deis Andrans (Cleu d'Andrans) es estat publiat en 2001 per l’IEO 26 e lo Cocorin de la Pinha dins lo recuelh Meis Òbras. Aqueu bèu moment de convivialitat es estat partejat amb un trentenat de participants.

Lo tèxt de la dictaa :

Lei manhauds

Quand partètz de la plaça de la Font de Clèu en anent sus Charòus, a la fin dei darriers ostaus dau vilatge, veirètz a man drecha un chamin que se ditz “chemin de Lamourette”. Mas n’anatz pas creire qu’es aquí la permenada deis amoeirós (amoirós) : l’i a ni boeissons (boissons) per s’escondre, ni grands aubres per se botar a la sosta. Tira son nom dei tièras d’amoriers que lo bordavon (bordavan). Iara, leis amoriers son partits, rèsta que lo nom, que lei gusàs de mèstres d’escòla que volián pas auvir parlar de patoàs an revirat en “Lamourette”.

Mas perqué tant d’amoriers? M’anatz dire.

A la fin deis ans 1920, dins totei lei granjas se fasiá l’abenatge dei manhauds. Aqueu marrit vermenon manja coma un ressaire, ren que de fuèlhas d’amorier, e vai faire un fiu, la seia (sea), que farà la parada dei damas de la noblessa.04_dictaa_a.jpg

Mas la seia (sea) fuguèt remplaçaa per la “raiona sintetica”, melhor marchat. Dins leis ans quaranta, lo governament de Vichy (Vichèi) eissaièt de relançar l’abenatge, mas leis amoriers mancavon (mancavan) e raras fuguèron lei manhanariás. E pas pluslèu la guèrra feniá (fenia), una granda invencion venguèt d’America : lo “nilon”, que faguèt la fortuna de “LOU” e lo bonur de nòstrei companhas.

E lei païsans qu’an trimat per abenar lei manhauds, que n’an tirat d’aquò? Juste quauquei marrits sòus, mai pas pron per se paiar de bas de seia (sea), e restaràn coma dins lo poèma de Mistral :

“Lo mèstre t’a fach lagremusa
Ten-te suau dins ton ascla nusa
Beu ton rai de solèu e fai ton gramací”.


Data de creacion : 06/02/2016 : 16:17
Categoria : Centra de Ressorgas - La Dictada Occitana
Pagina legida 2319 còps
Precedent  
  Seguent

Pòrta d'Òc
Rechèrcha
Rechèrcha