Presentacion
Centra de Ressorgas
Toponimia
Calendièr
Visitas

 433654 visitaires

 5 visitaires en linha

Jornaas dau Patrimòni Occitan en Droma
  17 e 18 de Setembre 2016

Daufinat-Provença, Terra d’Oc organisèt los dissandes 17 e dimenche 18 de Setembre de 2016 sas jornaas dau Patrimòni Occitan a Crest.

Vèrs Crest, la marca occitana es viva, tant dins los noms de quartiers, dins los noms de charrieras coma dins los noms de luòcs a l’entorn. Es çò que chascum posquèt constatar dins los panèus de la mòstra TORA (Toponimia Occitana Ròse Aups) realisats per l’I.E.O. Ròse-Aups e presentats a la Chapèla daus Cordeliers :las Blachas, los Eissarts, etc. Avèm agut tanben lo grand plaser de seguir una conferéncia de Jean-Claude Bouvier sus la toponimia de Droma.

E de que dire de Carcavel, quartier au bèu mitan de la Ciutat Vielha ? Es de legir La Carcavelada, epopèia burlesca, ben coloriá, escricha en occitan au segle XIXenc per Ròch Grivel, felibre de Crest. Aquèu libre fuguèt editat en 1980 per l’I.E.O. Droma e uei es tornat editat, ambé una reviraa en francés, e l’ajua de la Vila de Crest. Crestian Espinas nos presentèt aquela òbra.